يىللار ۋە ئەندىشە

ئىلگىرى
_يۇقىرى مەھەللىدىكى XX ۋاپات بوپتۇ.

_<ئىننالىللاھىۋەئىننائەلەيھى راجىئون>. ناھايىتى تەقۋا , رەھىمدىل , ئاقكۆڭۈل , ياخشىلىقى كۆپ ئادەم ئىدى , نامىزىغا ئالدىرايلى.

ھازىر
_مەھەللىمىزدىكى XX تۈگەپ كېتىپتۇ.

_نامىزىغا قاتنىشىپ قويايلى.

_تاھارەت ئېلىۋالايلى جۇما.

_بېشىمىزغا بىر نەرسە كىيىۋالايلى.

كەلگۈسىدە
_ئىدارىمىزدىكى XX ئۆلۈپ كېتىپتۇ . نامىزىغا قاتنىشىپ قويىمىزمۇ?

_خەق ئالدىدا سەت بولمىسۇن , قاتناشساق قاتنىشايلى . ھە راست , نامىزىنى چۈشۈرىدىغانغا ئادەم تاپالىپتىمۇ ? مەن بىرى بار دەپ ئاڭلىغان , بەش يۈز كوي ئالارمىش .

_ھەقاچان تاپقاندۇ . بۇ جىنازا نامىزىنى قانداق ئوقۇيمىز.

_ئاسان گەپ , خەق نېمە قىلسا شۇنى قىلساڭلا بولىدۇ.

كەلگۈسىنىڭ كەلگۈسىدە
_قوشنىمىز XX نى ئۆلۈپ قاپتۇ دەيدۇ,دەپنىسىگە قاتنىشامدۇق?

_ئەجەپ مەن ئاڭلىماپتىمىنا! كۆپىنچە بىر سورۇندا ئولتۇۇپ قالاتتۇق . يامان قىزىقچى گۇيتى بولمىسا . قوشنىكەنمىز , قاتنىشىپ قويايلى . قانداق دەپنە قىلىدىكەن ?

_بۇرۇنقى زاماندىكىدەك مەسچىتتىن بىرنى تېپىپ ناماز چۈشۈرگىدەك.

_ئۇ ناماز دېگەن نېمىنى قانداق ئوقۇيدىغاندىمىز?

_ئۇقمايدىكەنمەن . مۇناسىۋەتلىك كىتابلارنى ئىزدەپ باقسام بولغىدەك.

_مەن ئېنتېرنېتقا مۇراجىئەت قىلاي.

مەنبە:شىنجاڭ مەدەنىيىتى ژۇرنىلى