ئاجايىپ ئىت (ئېپىزوت

ئاجايىپ ئىت (ئېپىزوت)
زوشېنكو(سوۋېت ئىتتىپاقى)
- بۇ خۇرۇم چاپان ناھايىتى ئېسىلتى !- سۆزىنى داۋاملاشتۇردى ئۇ ,- يولداشلار ! كۆڭلۈم تولىمۇ يېرىم ! ناۋادا كىم بۇ ئوغرىنى تۇتسا , مەن پۇلنىڭ كۆزىگە قارىمايمەن .

ھەش-پەش دېگۈچە بابكىن ساقچىغا خەۋەر قىلدى .

بېشىغا كەپكە شەپكە , پۇتىغا چىمالتا كىيگەن بىر ئەر ساقچى ئىتىنى يىتىلەپ كەلدى . ئىت بوينىنى يۇقىرى سوزۇپ ھىدلىغاندىن كىيىن , كۆپچىلىككە قاراپ قويۇپ فۇئىكرا مومايغا ئېتىلدى . موماي قورققىنىدىن ئارقىغا داجىۋىدى , ئىت كاپپىدە چىشلىۋالدى . موماي ياۋاشلىق بىلەن ساقچىغا ھەممىنى ئىقرار قىلدى .

- تۇتۇلدۇم , ھەرگىز تىنىۋالمايمەن , بەش تۇڭ ھاراق , دىستىللياتورمۇ بار تېخى ! ھەممىنى ئەسكى-تۈسكى قويىدىغان ئۆيگە قويۇپ قويدۇم.

ھەممە كىشىنىڭ ئاغزى ئېچىلىپلا قالدى.

- چاپانچۇ ?,- دەپ سورىدى بىرەيلەن .

- چاپاننى زادى بىلمەيمەن!-دېدى موماي.

بىرەيلەن موماينى يالاپ ئېلىپ كەتتى.ئىت بوينىنى يەنە بىر قېتىم يۇقىرى سوزۇپ ھىدلىغاندىن كىيىن , ئۆي باشقۇرغۇچىغا ئېتىلدى.

- مېنى باغلاڭلار ,-دېدى ئۇ ,-يولداشلار ! مەن سۇ پۇلىنى ئارتۇق يىغىپ ئۆزۈم خەجلىۋالغان .

چاپان كۆپچىلىكىڭ ئېسىدىن ۋاقتىنچە كۆتۈرۈلۈپ كەتتى . ئۇلار ئۆي باشقۇرغۇچىنى ئەيىبلەپ كېتىشتى . بۇھال بابكىننى جىددىيلەشتۈرۈپ قويدى . ئۇ ئەتراپىغا ئالاقزادىلىك بىلەن سەپسالغاندىن كيىن , يانچۇقىدىن پۇل چىقىرىپ ساقچىغا بەردى ۋە:

- ئىتنى دەرھال ئېلىپ كېتىڭ , قانچە يىراق بولسا شۇنچە ياخشى ,- دېدى .

ئەمما , ئىت بابكىننىڭ ئالدىغا كېلىپ بولغانىدى .

- توغرا ,- دېدى ئۇ تىترەك ئاۋازدا ,- پەرۋاردىگار دانادۇر ! ئەمەلىيەتتە مەن ئوغرى , بۇ چاپان ئەسلى ئىنىمنىڭ ئىدى , ئۇ ماڭا ساقلاشقا بەرسە ئۆزۈمنىڭ قىلىۋالدىم .

كىشىلەر تېزلا تارقاپ كېتىشتى . ئاخىرىدا ھويلىدا پەقەت ئىت بىلەن ساقچىلا قالدى .

ئىت تۇيۇقسىز ساقچىغا ئېتىلدى . ساقچى ئۆلۈكتەك تاتىرىپ , بۇ ئاجايىپ ئىت ئالدىدا تىزلاندى .

- چىشلىسەڭ چىشلەۋەر , قېرىندىشىم !- دېدى ئۇ كۆزىنىڭ يۇندىسىنى ئېقىتىپ ,- ھەر ئايدا ساڭا يىمەكلىك ئېلىش ئۈچۈن بەرگەن ئۈچ تەڭگىنىڭ ئىككىسىنى مەن خەجلىۋالغان .

مەنبە تەرمىلەر ژۇرنىلى 1998-يىل 2-سان