مەن ياقتۇرغان شېئېرلار

تۈگىمەس ناخشا

(تىيىپچان ئېليوف)
ھەر ئاخشىمى ناخشا ئېيتىمەن ,

شۇكوچىنى ئەگىپ كېتەلمەي .

بىرپەللىنى كۆزلەپ ماڭىمەن ,

ئاۋارىمەن تېخى يىتەلمەي .

-----------------------
بۈگۈن ئاخشام ئۆتكەنتىم يەنە ,

ناخشام بىلەن دېرىزە قېقىپ .

قەيەردىندۇر ئىشىك غىچىلداپ ,

كايىپ كەتتى بىر بوۋاي چىقىپ .

-----------------------

جاقىرايسەن ھەركۈنى شۇنداق ,

ساراڭمۇ سەن ئوڭلانمايدىغان .

يا ئادەمگە ئۇيقۇ بەرمەيسەن ,

قانداق ناخشا بۇ تۈگىمەيدىغان .

-----------------------

كايىما بوۋاي سەنمۇ بىر چاغدا ,

ياش ئىدىڭغۇ ئۇخلىمايدىغان .

سەنمۇ ئېيتىپ تۈگىتەلمىگەن ,

شۇنداق ناخشا بۇ تۈگىمەيدىغان .

~~~~~~~~~~~

↓

تېۋىلغا
سۆز ئېچىپ ياغاچلارنىڭ خىسلىتىدىن ,

زوقلىنىپ ماختاشقاندا تىۋىلغىنى .

كىم بىرى ئۇنى ئوسال ياغاچ دېدى ,

ئەمەسمىش ئېگىلگىنى ياخشى خىسلەت .

-----------------------

ياق , ئۇنىڭ ئېگىلگىنى ئەيىپ ئەمەس ,

گەپ شۇندا ئېگىلىشكە بەرداشلىقى .

تارتقىنى زوقىمىزنى شۇكى , ئۇنىڭ ,

ھەقىقەت تەسۋىرىگە ئوخشاشلىقى .

~~~~~~~~~~~

↓

ئۆلۈم ئالدىدا
ئەنۋەر ناسىرى
ئاارغان يۇز , قىيىلغان قاش , قۇيۇلغان ياش ,

كېسىلگەن باش , چۇۋۇلغان چاش , تۆكۈلگەن قان .

تىتىلغان تەن , تۈگۈلگەن مۇش , كىرىشكەن چىش ,

پۈتمەس غەزەپ ئىزى بولۇپ چىقتى بۇ جان .

_______

شائىر بۇ شېئېرىنى 1944-يىلى ۋاپات بولۇش ئالدىدا يازغان.